Hma la turin SP ngen

Champhai District Dawrkai Association (CDCA) chuan tunlai hian an district chhung khaw hrang hrangah hnam dang, state páwn aṭanga kalin thil an zuarkual ṭhin tih tarlangin, dan loa hnam dang sumdawngte chungah dan anga hma la turin Champhai SP an ngen a, "Dan loa sum­dawngte hi mipui tan an him loh bakah, sorkarah chhiah an chawi ve loh avangin ram tan an hnawksak a ni," an ti.

CDCA chuan SP hnena an lehkha thehluh copy chu Champhai DC leh Taxation department hnenah an thehlut ve a ni. Hnamdang dan loa sumdawng chungchang hi CDCA chuan Champhai Sub. Hqrs. YMA hnenah pawh an thlen tawh a, anni chuan an huam chhunga branch-te hma la turin an hriattir a ni.