Covid-19 vangin mi 691 thi tawh

16th April, 2022

Nimin khan tlai dar 5 thlengin Mizoramah Covid-19 vanga thi pakhat a awm a, April 14, Ningani zan khan mi pakhat a thi bawk. Mizoramah hripui vangin mi 691 an thi tawh.

April 14, Ningani zan dar 8:10 khan Lalengzama (67), Thanglailung,Saitual district chu hripui vangin an inah a thi. Covid-19 vei a ni tih April 14, Ningani vêk khan finfiah a ni a, damdawi-inah enkawl hman a ni lo.

Nimin chawhnu dar 2:50 khan KT Jokebedi (25), Siaha pawh hripui vangin State Refferal Hospital-ah a thi. Covid-19 positive a ni tih March 25, 2022 khan hmuh chhuah niin, SRH-ah dah luh nghal a ni a, natna dang nei tel a ni tih sorkar thuchhuakin a tarlang.