Champhai maxi-cab-te an tlân dawn

Champhai to Aizawl Maxi-Cab Service Owners Welfare chuan an member chunga thil thleng vanga lungawi lohna lantira maxi-cab an tlantir loh chu nimin chhun dar 12 khan an titawp a, vawiin aṭangin maxi-cab-te an tlân tawh dawn.

Champhai-Aizawl MCSOW chuan, "Transport, Law & Judicial, etc minister Pu TJ Lalnuntluanga thuràwn anga Court-ah thu thlena kalpui a nih dawn tâk avang leh Court thu leh hla ngaihchàn phawt ṭha zawka kan ngaih avangin April 15, 2022 chhun dar 12 aṭang hian kan lungawi lohna kalpui mek chu chawlhsan rih a ni," an ti.

Aizawl leh Champhai inkara tlan maxi-cab, Seithantluanga ta chuan tun hnai khan Khawzawl Tuisen phai leh Khuailui inkarah kawng siamtu APPL company hnuaia Dwarakamia Construction Pvt.Ltd. hnathawktute fimkhur loh avangin vanduaina a tâwk a; an inremsiam anga company lamin an tihsak leh si loh avangin Champhai-Aizawl MCSOW chuan an member pui an thlàwpna lantir nan maxi-cab service an titawp lailâwk a ni.