No Vehicle Zone hman a ni leh dawn

Mizoram sorkar chuan lumin Krismas leh kumthar vuakvetah bazara kal mipuite an lo him zawkna atan December 21, 24 leh 31-ahte No Vehicle Zone a siam leh dawn.

No Vehicel Zone ní hian Chanmari (Lower Chanmari, Bazarpui panna kawng huam telin) leh Zodin Square inkarah chawhma dar 10 aṭanga tlai dar 4 chhungin lirthei (vehicle) reng reng tlan phal a ni dawn lo (thirsakawr leh nawrlirh huamin tlan phal a ni lo) a; thupek hian emergency duty bakah natna vanga damdawi-in pante a huam lo ang.

No Vehicle Zone ruahmanna
* Aizawl Civil Hospital aṭanga chhuak chhim lam pan turte chu Dawrpui Presbyterian biak-in lamah kual loin, Bazar Bungkawnah direct-in tlan theih a ni ang.
* Dawrpui Taxi Stand chu Baza Tlang hnuai, AR mandir opposite-ah leh AR quarter guard hnuaiah sawn a ni dawn.
* Chanmari (Lower Chanmari, Bazarpui panna kawng huam telin leh Zodin Square inkarah lirthei eng chi mah No Vehicle Zone hun chhung hian hân/dah phal a ni lo.
* Temple to Vaivakawn road zawhin Hunthar Veng junction an pan ang a, LMV leh a aia tête chuan Hunthar Veng junction to Bawngkawn via Company Peng kawng bakah hian Chanmari West lamah chho in Chanmari aṭangin hmar lam an pan thei ang.
* Sikulpuikawn to Ramhlun Road via Republic Veng - College Veng - Bethlehem Veng - Chhinga Veng - Electric Veng lamah kal theih a ni. Treasury Square to Electric Veng via Republic Veng - College Veng- Bethlehem Veng - Chhinga Veng lamah a kal theih bawk.
* Chhim lam pante'n Bara Bazar Road-ah Hrangbana College an pêl thei lo ang a, Chanmari Presbyterian biak-in leh Vaivakawn Road via Kawipui, Chanmari West leh Bawngkawn to ITI Road via Ramhlun, Electric Veng etc.-ah kal theih a ni ang.
* Hmar lam tan Hrangbana College aṭangin Mizo High School Field thleng dropping zone atan hman tur a ni a, Mizo H/S Field chu parking atan hman tur a ni. Zarkawt lamah tlan thlak phal a ni lo. Chhim lam tan Zodin atangin Canteen kualah, AR Mandir helin chhim lamah kual let tur a ni.
* Hrangbana College leh Mizo H/S Field inkar kawng, Temple-Vaivakawn road, Vaivakawn - Hunthar, Chanmari West Junction, Hunthar, Chanmari West Junction to Company peng, Hunthar, Chanmari West Junction to Chanmari Traffic Point, Bawngkawn to Sikulpuikawn via Ramhlun North - Ramhlun South -Aizawl Venglai - Modern High School - Saron Veng - Tuithiang -Bethlehem - College Veng - Republic Veng - UpperRepublic/Treasury Square leh Armed Veng to Bethlehem peng, Chhinga Veng Road-te chu no parking zone atan puan a ni.