Lungleiah registrar-te tan training buatsaih

Economics & Statistics department-a Lung­lei District Research Officer buatsaihin December 12, Nilaini khan Lunglei Convention Center-ah 'Annual Training on Registration of Births & Deaths for Registrars under Lunglei for the Year' buatsaih a ni a, Lunglei DC Dr Ankita Chakravarty-i'n a hmanpui.

Dr Ankita Chakravarty chuan, registration of births & deaths chu hna pawimawh tak a nih thu sawiin, "Plan leh policy siam nana tehfung ber chu

population a ni a, chuvangin registrar of births & death-te hi nau piang leh thi chhin­chhiahtu in ni a, registration tih reng rengin uluk taka ziah luh a, record felfai taka vawn a ngai. Phuahchawp a thiang lo a, belhchian tlak a ni ngei tur a ni," a ti.

Economics & Statistics director Lal­chhuanawma Hrahsel pawhin thu sawiin, ṭhahnemngai taka registrar of births & death-te thawh zarah Mizoram a hmingṭha tih a sawi a, "India ramah pawh births & deaths record nei ṭha leh thawk ṭha pawl kan ni," a ti a; rinawm leh felfai taka thawk ṭheuh turin a chah.

Lunglei district-ah hian registrar of births & deaths 166 an awm a, kum 15 thawk tawh mi 34 hnenah chawimawina certificate hlan a ni.