In sakna dawng sa lote ṭhíng dawn

PMAY Housing for All (Urban) hnuaia Cham­phai district-a in sak ṭanpuina dawngtute chu April 16, 2022 khan New Champhai community hall-ah koh khawm an ni a, ṭanpuina dawng tawh, in sa lote chu an pawisa dâwnte ṭhìn lêt a nih dawn thu hriattir an ni.

PMAY hnuaia in sak ṭanpuina first instalment dawng tur chhungkaw 613 aṭangin veng paruk - Tlangsam, New Cham­phai, Zote, Zotlang, Ruantlang leh Ruantlang Mualvenga mite koh khawm an ni a, scheme chungchang leh hma­lak dan turte hrilhfiah an ni.

Champhaia UDPA officer R Lalnunkimi chuan, hamṭhatna dawng zinga in sa lote chu an pawisa dawnte ṭhìn lêt leh an nih tur thu sawiin, "Sorkar aṭanga ṭanpuina dawng chuan in sak hi a bat leh mawhphurhna a ni. Ṭanpuina dawng tawh zingah sa ṭha lote avangin mi dangin harsatna an tawh phah," a ti.

Housing for All-ah hian mi pakhatin in sak ṭanpuina Rs 1,50,000 zel an dawng dawn a ni.