Martar Thlanmual tihchangtlun dan tur Chief Minister hoin sawiho

April 16, Inrinni zing khan chief minister Zoramthanga hoin Art & Culture minister R Lalzirliana, govt. deputy chief whip Lalrintluanga Sailo leh Martar Thlan Committee member-te'n Martar Thlanmual, Luangmual an tlawh a, siamṭhat leh tihchangtlun dan tur a hmunah an sawiho.

February 2022-a Council of Minister ṭhukhawm chuan Martar Thlanmual chu sorkar kutah an dah a, Chief Minister kaihhruaina hnuaiah a enkawltu tur Martar Thlan Committee din niin, Art & Culture Minister chu co-chairman a ni. Member atan sorkar, tlawmngai pawl leh mimal eng emaw zat an tel.

Martar Thlan Committee chuan Inrinni zing khan thlànmual thawm ṭhat leh cheibawl ngai laite an enho a, tihchangtlunna atana hmasawnna ruhrel din theih dan remchang an sawiho a ni.

Sorkar kuta a awm hma hian, kum 2000 khan Martar Thlanmual Siamtu Committee din a ni tawh a, Mizo hnam chhanna atana thi te, hnam dang kuta thi leh Mizo kuta thite thliar loin thlànmualah dah ni se, tih a ni. Tunah thlanmualah hian martar hming 1,563 dah a ni tawh a, martar ruhro 65 dah a ni bawk.