Bikers Expedition tluang taka zawh a ni

India independence champha vawi 75-na lawmna, Azadi ka Amrit Mahotsav hnuaia Mizorama Bikers Expedition chu tluang taka zawh a ni.

Bikers Expedition-ah hian Mizoram bikah chuan Saza/Serow Team-te rawn kalin, mi 20 an ni a, state danga mite an ni. April 13, 2022 khan Mizoram an rawn thleng a, Léngte péngah Sports & Youth Services leh Tourism minister Robert Romawia Royte hoin lo hmuah a ni.

Saza/Serow Team hi Governor-in thingpui ruai a buatsaihsak bakah, Beraw Tlangah Cultural Programme hmanpui an ni a, MLA Dr Vanlalthlana'n a hmanpui.

Biker-te'n Mizoram an fan kualnaah Mizote'n an ṭawiawm a, ṭawiawmtu zingah hmeichhe rider pathum an tel. Thenzawlah Musical Night hmanpui niin, MLA Dr Vanlalṭanpuia'n a hmanpui. April 15, Zirtawpni khan Thenzawl chhuahsanin, Vairengtea Counter Insurgency and Jungle Warfare School hmuna farewell programme hman a nih hnuah Mizoram an chhuahsan a ni.