Covid-19 vangin mi 692 thi tawh

Nimin khan tlai dar 5 thlengin Mizoramah Covid-19 vanga thi an awm lo a, April 16, Inrinni khan mi pakhat a thi. Mizoramah hripui vangin mi 692 an thi tawh.

April 16, Inrinni chawhma dar 10:30 khan Lalhunpuia (48), Ramthar Veng, Aizawl chu hripui vangin State Refferal Hospital-ah a thi. Covid-19 positive a ni tih April 12, 2022 khan hmuh chhuah niin, hemi ní vêk hian SRH-ah dah luh nghal a ni a, natna dang nei tel a nih thu sorkar thuchhuakin a tarlang.