MJA-in Advance Christmas an hmang

Mizoram Journalists' Association (MJA) Gen. Hqrs. chuan nimin tlai khan Aizawl Press Club-ah Advance Christmas an hmang a; tun hnaia MJA member atana an lak tharte lawm luhna hun an hman nghal.

Inkhawma thu sawitu MJA president Zonunsanga Khiangte chuan, MJA member-te chu veng khata chengho ngei pawh mahni hna buaia buai nilêng ṭhin an nih avangin, a taka inhmuh leh inkawm tam hman lo ṭhin mah se, an inpawhna leh an innêlna a nêp phah loh thu a sawi.

Zonunsanga Khiangte chuan, social media-ah thu rum leh thu dik tâwk lo thehdarh leh tarlan ṭhinah MJA member-te chu an la him tlan thu leh lawmawm a tih thu sawiin, "Thu thehdarh lamah a thlifimtu nih i tum zel ang u," a ti. MJA-in member a lak thar dawnin a fimkhur ṭhin thu te, ziak loh dan an neih angin, Executive Committee member-te inlungrualna ṭhap lo chuan lak an ni ngai loh thute a sawi bawk.

MJA Advance Christ-mas hi an pawl vice president R Lalhmangaih-zuala'n a kaihruai a; intihhlimna hun an hman bakah, zanriah an kîlho a ni.