Vawiinah sorkar thar la lut dawn

Mizoram sorkar thar, MNF president Zoram-thanga kaihhruai chu vawiin chawhma dar 12 hian Raj Bhavan-ah Governor Kummanam Rajasekharan-a'n rinawm-na thu tiamtirin a la lut dawn.

Governor hian Zoram-thanga chu Chief Minister atan rinawmna thu tiamtirin a la lut hmasa ber ang a, chumi hnuah Council of Minister atana ruat mi 11-te rinawmna thu tiamtirin a la lut ve leh ang. Tun ṭum sorkar lak luhnaah hian ṭum danga tih ngai loh angin, hunserh hman a nih dawn bakah, zaipawlin Halleluiah Chorus an rem dawn a ni.

Sorkar thar lak luh zawhah CM Zoramthanga chuan Raj Bhavan-ah vêk thuthar thehdarhtute a kâwm nghal dawn a; chumi hnuah Chief Minister, minister leh MLA-te'n Assembly House an tlawh ang.

Naktuka sorkar thar lak luh tur hi Mizoram state-a hlankai a nih hnua sorkar pariatna tur a ni a; sorkar thar lak luhnaah hian state dang aṭang pawhin mi pawimawh eng emaw zat an rawn tel dawn nia thu dawn a ni.

Mizoram hian union territory a nih hnuah chief minister panga - Ch Chhunga (ṭum hnih), Brig. T Sailo (ṭum hnih), Lal Thanhawla (ṭum nga), Laldenga (ṭum khat) leh Zoramthanga (ṭum hnih) a nei tawh a; Zoramthanga hian vawiina lak luh a nih hunah term thum chief minister a nihna tur a ni.