SVEEP hnuaia inelna lawmman sem

Lunglei district-a Systematic Voters Education and Electoral Participation (SVEEP) hmalaknaa lemziaka inelna, Painting Competition-a ti ṭhate hnenah December 13, Ningani khan Lunglei DC pisaah lawmman sem a ni.

Painting Competition lawmmante hi Lunglei DC Dr Ankita Chakravarty, Lunglei SP C Lalthanmawia leh Election officer James Lalnithanga ten a dawngtute hnenah an hlan a; lawmman hian certificate leh Rs. 5,000 a keng. Lawmman dawngtute chu - Enos Lalhmangaihsanga Pachuau (D&D HSS), Lalmalsawma Sailo (HATIM) leh C Lalsiamkima (Lunglei HSS)-te an ni.

SVEEP hi mi puitling, vote nei thei chin India khua leh tui dik takte'n vote neih hlutna an hriatna tur leh vote thlak pawimawhna leh vote thlak ngei tura danin a phût dante inzirtirna a ni a; SVEEP hnuaiah hian kumin Mizoram inthlanpui atan Lunglei district-ah auhla inphuahziak, lemziaka inelna, EVM leh VVPAT Awareness Campaign, mobile polling station, electoral literacy campaign, bike rally leh TV talkshow-te buatsaih a ni.