KHAWTHLIR

Thisen pe
December 15, Inrinni khan Zonuam Bial KṬP-in Zonuam Kohhran Hall-ah blood donation camp an huaihawt a, mipa 39 leh hmeichhia pasarihte'n Aizawl Civil Hospital tan thisen unit 46 an pe. Kanan Branch KṬP pawhin an din champha pualin an Kohhran Hall-ah Synod Hospital tan thisen unit 33 an pe a, a petute mipa 29 leh hmeichhia pali an ni.

Pro-tem speaker
Inrinni khan Raj Bhavan-a Durbar Hall-ah pro-tem speaker ruat inkhawm buatsaih a ni. Chief secretary Arvind Ray-a'n inkhawm a kaihruai a, Tuikum bial aṭanga MNF ticket-a thlan tlin Lalrinawma chu Governor Kummanam Rajasekharan-a'n Mizoram Legislative Assembly pariatnaa pro-tem speaker atan a ruat a ni.