Indian Medical Association-in Inkhawmpui an hmang

Indian Medical Association (IMA), Mizoram State Branch chuan December 14, Zirtawpni khan Aijal Club-ah Annual Conference an hmang a, hruaitu thar an thlang.

IMA inkhawmpuiah hian an member zinga MLA atana thlan tlin mi pathum - Dr K Beichhua, Dr ZR Thiamsanga leh Dr BD Chakma bakah, IAS-a tling thar Dr Lalhriatzuali Ralte lawmpuina an hlan a, chawhnuah ethics chungchang an zirho.

MJA kaihhruaina hnuaiah kum 2019-20 chhunga IMA, Mizoram State Branch office bearer turte thlan a ni a; president-ah Dr Rosangluaia, vice president-ah Dr John Zohmingthanga, honorary secretary-ah Dr Chawnglungmuana, assistant secretary-ah Dr John Malsawma, treasurer-ah Dr

Lalhuthangi Hmar leh finance secretary-ah Dr Lalduhawmi te thlan an ni.