Gorkha ṭhalai inkhawmpui MJA president-in a hmanpui

Mizoram Gorkha Youth Association (MGYA) chuan December 15, Inrinni khan Lawipu Community Hall-a General Conference vawi 42-na an hmang a, MJA president Zonunsanga Khiangte-in a hmanpui.

MJA President chuan, Gorkhali-te chu Mizoramah hun rei tak khawsa tawh an nih avangin Mizo mipuiin an en hrang ngai lo tih sawiin, Mizoram leh hnam tan Gorkha-te hian thil ṭha tam tak an ti tawh a, thisen pek mai bakah Mizoramin zalenna a sualnaahte pawh thâ an lo thawh tawh avangin an ngaihsanawm hle a ni," a ti a; Gorkha-te chu hnam huaisen, hmelṭha leh taima an nih thu a sawi.

MJA President hian Gorkhali chan­chinbu thla kip chhuak 'Nigalo' a tlang­zarh nghal bawk. MGYA hian Aizawlah General Headquarters a nei a, Kolasib-ah sub-headquarters neiin, Mizoram pumah branch 16 an nei a ni.