Vawiinah session ṭan a ni dawn

Mizoram Legislative Assembly pariatna session hmasa ber chu vawiin chawhma dar 10:30 hian Assembly House-ah ṭan a ni dawn. Tun ṭum session hian December 20, Ningani thleng a awh ang.

Session ṭan ní hian MLA atana thlan tharte chu pro-tem speaker Lalrinawma'n rinawmna thu tiamtirin MLA atan a la lut dawn a, chumi hnuah speaker tur thlan a ni ang. Thu dawn danin, sorkarna chelhtu MNF chuan Chalfilh bial aṭanga thlan tlin Lalrinliana Sailo chu speaker atan hian an rawt (nominate) dawn a ni.

Session ni hnihnaah Governor Kummanam Rajasekharan-a'n thu a sawi ang a, a tûk, Ninganiah Governor thu sawite chu sawiho a ni ang. Session tawp ní-ah hian Governor-in House-a thu a sawi avangin lawmthu sawi a nih bakah, session hnuhnung ber leh tun ṭum session inkara MP leh MLA-te sûnna hun hman a ni ang.