MLA zinga hausa ber Robert Romawia Tling zingah criminal case nei mi 2 an awm

Mizoram State Legislative Assembly general election neih zawh tâka thlan tlin zingah Robert Romawia Royte, MNF a hausa ber a, TJ Lalnuntluanga, MNF a hausa lo ber thung. MLA tling zingah criminal case nei mi pathum an awm.

Association for Democratic Reforms (ADR)-in Mizoram inthlanpuia candidate-te affidavit thehluh an zir chianna

aṭanga an hmuh chhuah an tarlan danin, MLA 40 zinga pahnih (5%) chuan criminal case an nei a, chu'ngte chu MNF MLA ve ve - Zoramthanga leh Dr R Lalthangliana te an ni. Chutih laiin, kum 2013 inthlanpuiah chuan criminal case nei an awm lo. Criminal case lian bik (serious criminal cases) nei MLA pakhat (3%) a awm.

MLA atana thlan tlin tak mi 40 zinga 36 (90%)-te chu rosum cheng vaibelchhe khat aia tam nei an ni a; chutih laiin, kum 2013 inthlanah chuan cheng vaibelchhia nei tling MLA 30 (75%) an awm. MLA 40-te rosum neih zat chawlhrual chu cheng vbc. 4.84 a ni a; kum 2013 inthlanah chuan vbc. 3.10 a ni thung.

Kumina thlan tlinte aṭangin, sorkarna chang theia chak MNF MLA 26 zinga 22 (85%) chu chengj vbc. khat nei tling an ni a; Congress pary (INC) aṭanga thlan tlin mi pangate rosum chu cheng vaibelchhia a tling vek a, ZPM MLA pariatte leh BJP MLA pakhatte pawh rosum cheng vaibelchhia nei tling vek an ni.

MNF MLA 26-te rosum neih zat chawhrual chu cheng vbc. 4.97 a ni a, INC MLA pangate rosum neih zat chawlhrual chu cheng vbc. 5.13 a ni. ZPM MLA pariatte rosum neih chawlhrual chu cheng vbc. 4.39 a ni a, BJP MLA pakhat rosum neih zat chu cheng vbc. 3.31 a tling.

Hetih lai hian, MLA tharte zinga 28 (70%) chuan leibá (liability) an neih thu an tarlang a; leiba ngah zualte chu (a tam dan indawtin) - Andrew H Thang­liana (ZPM), Robert Romawia Royte (MNF) leh C Ngunlianchunga (INC)-te an ni.

Zirna lamah chuan, MLA thar 40 zinga 10 (25%) chu pawl 5-12 inkar an ni a, MLA 29 (73%) chu graduate leh a chung lam an ni.

MLA tharte zinga rosum ngah zualte
# Hming Constituency Party Movable Asset Total Asset
1. Robert Romawia Royte Aizawl East-II MNF Rs. 19,31,18,852 Rs. 44,74,79,562
2. Ramthanmawia East Tuipui MNF Rs. 8,47,36,107 Rs. 16,98,36,107
3. Lalchhuanthanga Aizawl South-II ZPM Rs. 3,00,82,162 Rs. 12,94,82,162

MLA tharte zinga rosum nei tlem zualte
# Hming Constituency Party Movable Asset Total Asset
1. TJ Lalnuntluanga Champhai South MNF Rs. 38,62,265 Rs. 43,62,265
2. C Lalmuanpuia Aizawl North-III MNF Rs. 17,83,448 Rs. 47,83,448
3. Lalrinsanga Ralte Serlui MNF Rs. 57,39,763 Rs. 57,39,763
4. Lalrinawma Tuikum MNF Rs. 66,83,842 Rs. 90,53,842

MLA tharte zinga leiba ngah zualte
# Hming Constituency Party Movable Asset Total Asset
1. Andrew H Thangliana Tuirial ZPM Rs. 9,94,05,111 Rs. 1,86,71,042
2. Robert Romawia Royte Aizawl East-II MNF Rs. 44,74,79,562 Rs. 1,52,39,450
3. C Ngunlianchunga Lawngtlai West INC Rs. 8,00,10,668 Rs. 1,33,34,644