Health Minister leh MJA-te an inkâwm

Health minister thar Dr R Lalthangliana chuan nimin khan a pisa a luah ṭan a, Mizoram Journalist Association (MJA) member-te lêngah sáwm nghal­in, harsatna leh mamawh an neihte a zâwt.

MJA president Zo­nunsanga Khiangte chuan, Dr R Lalthangliana'n Information & Public Relation department a chan laiin MJA member-te'n welfare fund an neih thu sawiin, "Welfare fund kan neihna atana sûlsutu ber a ni," a ti. Tun dinhmunah MJA Welfare Fund atan sum dah ṭhin tihpun te, pension scheme neihte leh advertisment rate tihsante chu MJA-te mamawh zualpui a nih thu a sawi.

MJA-te'n mamawh an thlen hrang hrang tih IPR minister ni lo mah se, tihhlawhtlin a nih theihna atana theihtawp chhuah a tum thu Dr R Lalthang­liana chuan a sawi a; MJA Charity Fund atan Rs. 10,000 a hlan nghal a ni.