Roll revision neih tur sawiho

Mizoram chief electoral officer (CEO) Ashsish Kundra chuan nimin khan CEO conference hall-ah political party aiawhte leh tlawm­ngai pawl hrang hrang aiawhte ko khawmin, nakkuma Lok Sabha inthlanpui atana Special Summary Revision of Photo Electoral Rolls neih tur a sawipui.

CEO chuan, Election Commission of India (ECI) thupek ang chuan, draft roll târ chhuah hun chu December 26, 2018 a ni a, mahse, Krismas lawmna nen a insut buai dawn avangin a sawn hlat a dil thu sawiin, "ECI hian min phalsak a, chuvangin, Mizoram bikah chuan draft roll hi December 28, 2018-ah târ chhuah a ni ang," a ti.

Roll revision neih dan tur
Draft roll târ hun tur - December 28, 2018
Claim & objection siam hun - December 28, 2018 aṭanga January 25, 2019
Claim & object chinfel hun tawp - February 11, 2019
Roll print leh update hun tawp - February 18, 2019
Roll thar tlangzarh hun - February 22, 2019