MADC inthlanah mi 1 inhnûkdâwk

May 5, 2022-a Mara Autonomous District Council (MADC) MDC inthlanpui neih tura MDC nih tuma hming pe lutte tana inhnuhdawh hun chu nimin khan a tàwp a, Siaha East-I biala independent-a din tum Tlanzara Hranglung a inhnûkdâwk.

Inhnûkdâwk pakhat a awm avangin MDC inthlanah hian seat 25 chuh turin mi 85 an awm dawn ta a ni. MADC inthlanpuiah hian MNF leh BJP-in seat awm zawng zawng an chuh dawn a, Congress party-in seat 23, ZPM-in seat pariat chuhin, independent candidate pali an awm.

Hming pe lut zingah MDC ni lai 23 an awm a, chung zinga 13 chu BJP, MNF paruk, Congress pathum leh ZPM pakhat (nominated) an ni.