CYMA-in chhiat tawkte thlamuan

April 16, 2022 tlaia ruah, thlipui leh rial thawkin YMA Sub-Headquarters, Kolasib huam chhunga chenna in leh ran-in a tihchhiatsakte chu April 17, Pathianni khan Central YMA hruaitute'n an president R Lalngheta hoin an tlawh.

Central YMA hruaitute'n a hmun ngeia kala an report-te bawhzui nan nimin khan emergency meeting neiin, chhiat tâwkte chhawmdawl zel dan tur an ngaihtuah a; ṭanpuina sum hma hruai atan Rs 1,00,000 pek chhuah an remti. CYMA hnuaia YMA branch-te chu May 15, 2022 ral hmaa an theih ang tâwk ṭanpuina thehlut turin ngen ni se, an ti bawk.