Inter-College MSU Cup khâr

Mizo Students’ Union (MSU) General Headquarters-in Inter-College MSU Cup 2022 an buatsaih chu April 16, 2022 zan khan Rajiv Gandhi Stadium-ah khar a ni a, Sports & Youth Services minister Robert Romawia Royte-in a hmanpui.

MSU Cup 2022-ah hian college hrang hrang an tel a, football, volleyball, miss multimedia, article ziah, chess-te bakah, Mizo infiamna leh hnam làm - insaihruipawh, insuknawr, inkawibah, buhthlei, hlado chham leh cheraw hmangin an intihsiak a ni.