Office kai hun inhrilh nawn

Minister of state Robert Romawia Royte chuan a department a chan pathuma hotute chu an department ṭheuhah sorkar pisa kai hun dik taka vawng tura inhriattirna thupek tichhuak turin a ti a; chumi ang chuan department pathum hotute chuan office kai hun dik taka vawng tura hriattirna - office order an tichhuak.

Robert Romawia'n department a chante hi Sports & Youth Services, Tourism leh Information and Communication Technology-te a ni a; heng department-a secretary-te chuan an department-a thawkte chu sorkar pisa ṭan hun zing dar 9-a pisa thleng hman tur leh bân hun tlai dar 4 hmaa pisa chhuahsan lo turin an hriattir a ni.