KHAWTHLIR

Inthlan thlir let
Kolasib District Level Standing Committee (DLSC) chu, nimin khan Kolasib deputy district election officer Lalṭanpuia Hnamte hoin DC conference hall-ah official-te an ṭhukhawm a, inthlanpui neih zawk tak thlirletna leh nakkuma Lok Sabha MP inthlan tur chungchang an thlirho. MLA inthlan neih zawh tak chu felfai leh thianghlim taka kalpui a nih thu tarlan a ni.

Thisen pe
Luangmual Branch KṬP chuan nimin khan an Kohhran Hall-ah blood donation camp an huaihawt a, Synod Hospital tan thisen unit 25 pein, a petute mipa 21 leh hmeichhia pali an ni.

KVK leh MJA
KVK Lunglei district, Hnahthiala thawkte leh Mizoram Journalists' Association (MJA) sub-division, Hnahthial member-te chuan nimin khan Advance Christmas an hmang ho. He hunah hian KVK chuan Hnahthial MJA member-te hnenah thilpek ṭha tak an hlan vek a ni. KVK Hnahthial scientist Dr Lalmuanzovi chuan, an hmalaknaah MJA-te nen ṭha taka an thawhho ṭhin avangin lawmawm an tih thu a sawi bawk.

Roll sawiho
Thawhṭanni khan Lunglei DEO Dr. Ankita Charavarty hoin an district-a Special Summary Revision of Electoral Rolls, 2019 neih tur chungchang political party leh tlawmngai pawl hruaitute'n an sawiho. Dr. Ankita Chakravarty chuan electoral roll thianghlim leh dik tak a awm theihna atan sorkar hnathawk, tlawmngai pawl leh political party hrang hrang aiawhte theihtawp chhuah turin a sawm.