Inthlanah MPF-in lawmthu an sawi

Chanchinbu leh media lama thawktu te, Election department leh venhimna lama thawktu Police department-te nen lung­rual takin an thawkho tih sawiin, "Heng kan thawhpuite inpekna leh thawhrimna vanga in­thlanna duhawm tak nei thei kan ni tih kan hria a, an chungah kan lawm em em a ni," an ti.

Kohhrante leh tlawmngai pawlte ṭan lakna a ropui an tih thu sawiin MPF chuan, awareness campaign leh seminar chi hrang hrang an buatsaih thei te, MPF hmalakna atana sum leh pai leh hmunhma thawhtute zawng zawng chung­ah an lawm tak zet tih an sawi.

MPF district forum leh constituency forum hruaitute thawhrimna ropui an tih thu sawiin, local forum-te nen theihtawpa ṭan laa an thawk leh ṭha taka Election lama mawhphurtute nen hma an laho chu lawmawm an tih thu an sawi a, "Theihtawp chhuaha hma an lâkho avangin inthlanna duh­awm tak kan nei thei a ni tih kan hria a, kan lawm em em a ni," an ti.

MPF chuan, inthlanna thianghlim leh ṭha a awm neih theihna tura theih­tawpa ṭan an lak laia vote lei leh hralh an awm nia sawi awm erawh chu pawi an tih thu an sawi a; vote hralh leh lei a awm tawh loh nan thawhpuiah mi zawng zawng an sáwm nawn leh a ni.