MZP hruaitu hlui MLA-a tlingte chawimawi

MZP Gen.Hqrs. chuan nimin khan an pisa kharna inkhawm an hmang a, MZP hruaitu hlui, MLA-a tling thar mi pangte an chawimawi nghal.

Inkhawm hi MZP vice president L Ramdinliana Renthlei-in kaihruaiin, president L Ramdinliana Renthlei chuan MLA tling tharte chu MZP hruaitu an nih lai anga ram leh hnam leh zirlaite tana ke kan pen ang pen turin a chah a, "Zoram mipuiten MZP hruaitu chu an lo dang lam bik hle mai an tih tura ram hruai hna thawk turin ka chah duh che u. Zoram rawngbawla, in theihna te hmang turin leh MZP danglamna Zoram mipuite hmuh tir turin ka ngen che u a ni. Vawiina kan chawimawi MZP hruaitu hlui te ram leh hnam rawng in bawlna turah duhsakna ka hlan che u." a ti.

MZP hruaitu hlui, MLA ni ta an chawi­mawite chu - Lalruatkima, Lalchhandama Ralte, L Thangmawia, TJ. Lalnuntluanga leh Lalrinsanga Ralte-te an ni. MZP pisa hi January 15, 2018-ah hawn leh ṭan a ni ang.