Missionary Day lawm a ni

January 11, Inrin­ni kha Mizorama missio­nary hmasa ber pahnih Rev. JH Lorrain (Pu Buanga) leh Rev. FW Savidge (Sap Upa) ten Mizoram leilung an rah ṭan ní, Missionary Day a ni a, Mizoram Baptist Kohhrana tualchhung kohhran hrang hrangte chuan uar takin an lawm.

Baptist Church of Mizoram (BCM) hmunpui lam thuchhuak angin, Missionary Day lawmna inkhawm hi tualchhung kohhrante chuan chawhma dar 10-ah an ṭan a, thu­pui chu 'Chanchin ṭha hi kan damna a ni' tih a ni. Chawhnu lam chu tual­chhung kohhrante rem­chan dan angin hman a ni a, zanah ‘Thu hretu ni tûra koh’ tih thupui neiin an inkhawm leh bawk. Tualchhung kohhran tam tak chuan Missionnary Day hi ruai nen an lawm a ni.