SSA leh RMSA-a thawkte hlawh pe

Mizoram sorkar chuan nimin chawhma lam khan SSA leh RMSA hnuaia thawkte thla thum hlawh a pe a, thla thum hlawh hi a hlawmin thawktute mimal bank account-ah thun a ni.

Thu dawn danin, SSA leh RMSA-a thawkte hian hun eng emaw ti chhung hlawh an lo tawh a, tun hnaia Mizoram sorkar thar chuan hlawh pek nghal a tum thu a lo puang tawh. Hlawh atana sorkar­in sum a pek chhuah zawng zawng chu cheng nuai 3,506 a tling.

October, November leh December thla hlawh nimina pekte chu - SSA-ah UPS teacher 1,643, LPS teacher 550, instructor 814, BRC staff 326, CRC staff 171, resource teacher 26, hostel 11-a thawk te, special trainer-te leh office staff eng emaw zat an ni a; RMSA-ah headmaster 92, UPS zirtirtu 506, special teacher 45-te an ni.