COVID-19: Mizoram dinhmun Hripui vei mi 50 hmuh belh

November 23, Thawh-ṭanni khan Mizoramah Covid-19 vei mi 50 hmuh chhuah a ni a, hripui laka fihlim tawh mi 95 chu nimin khan chhuahtir an ni thung.

Covid-19 vei Thawhṭannia hmuh chhuahte chu mipa leh hmeichhia 25 ve ve an ni a; ZMC laboratory-a hmuh mi pakua, TrueNAT-PCR hmanga hmuh mi 11 leh Rapid Antigen Test (RAT) hmanga hmuh mi 30 an ni.

Nimin khan Covid-19 laka fihlim tawh mi 95 chhuahtir an ni a; Aizawl district-ah mi 74, Serchhip leh Saitual district-ah pakhat ve ve, Lawngtlai district-ah pariat, Mamit district-ah pahnih, Khawzawl district-ah mi pakua an chhuak.

Mizoramah Covid-19 positive mi 3,710 hmuh chhuah a ni tawh a, mipa 2,747 leh hmeichhia 963 an ni. USDP tarlan danin, nimin tlai dar 5 thleng khan mi 3,298 (88.90%) chhuahtir an ni tawh a, mi panga (0.13%) thi tawhin, enkawl mek mi 407 (10.97%) an awm.

Hetih lai hian, November 23, 2020-a thi R Hrangthanga, Thenzawl chungah sorkar thuchuah chuan, "Test negative hnua CCC aṭanga chhuahtir, nimina boral ta chu zunthlum leh thisen sang nei nia hriat a nih bawk avangin a thih chhan dik tak uluk taka chhui chian mek zel a ni," a ti.

Covid-19 positive hmuh tawh mi 3,710 zinga mi 1,717 chu Mizoram chhunga kái an ni a, mi 1,993 chu state páwn aṭanga rawn lût an ni.

November 23, Thawh­ṭanni khan Mizoramah swab sample 1,746 endik a ni a, chu'ng aṭang chuan Covid-19 positive mi 28 an hmu chhuak. Swab sample endik dan chu - ZMC laboratory-ah mi 553, TrueNAT-PCR hmangin district 10-ah mi 181 leh RAT hmangin district 10-ah mi 1,012 an ni.

Sorkar thuchhuah tarlan danin, ZMC labo­ratory-a hripui vei hmuh chhuah mi pakuate chu mipa panga leh hmeichhia pali an ni a, a naupang ber kum 16 a nih laiin, a upa ber chu kum 87 a ni. An zinga pasarih chu Mizoram chhunga kái an ni a, mi dang pahnih chu tun hnaia state páwn aṭanga haw an ni thung.

State páwn aṭanga hawte chu- Armed Venga mipa kum 31, Megha­laya aṭanga haw leh Tuivamita khawsa mipa kum 29, Jharkhand aṭanga rawn lutte an ni a; quarantine facility-a awm lai, symp­tom nei lo ve ve an ni.

TrueNAT-PCR hmanga hripui vei hmuh chhuah mi 11-te pawh state pawn aṭanga rawn lut vek an ni a; an zingah symptom nei pahnih an awm a, mi dang zawngin symptom an nei lo.

Siaha District Hos­pital-a hmuh chhuah Chakhei khaw mi pa­hnih, mipa kum 83 leh hmeichhia kum 14-te chu tun hnaia Shillong aṭanga haw, Siaha SIRD quarantine centre-a awm lai, symptom nei an ni. Serchhip District Hospital-ah pawh BSF sipai, Thenzawla awm mi pakua hmuh chhuah a ni a, symptom nei an awm lo. An vai hian tun hnaia Bihar inthlanpuia duty zo rawn lêt tharte an ni.

RAT hmanga Covid-19 positive mi 30 hmuh chhuahte chu mipa 10 leh hmeichhia 20 an ni a, a naupang ber kum 3 mi niin, a upa ber chu kum 80 mi a ni. An vaiin tualchhunga hri kái an ni a, symptom nei mi 10 an awm. 

Mizoram chhunga hripui kái chhâwngte bik dinhmun chiang zawk chu Table-ah tarlan a ni. 

   ZMC-a hmuhte

Bawngkawn - 1: Mipa kum 21, kaina hriat, symptom nei lo.

Chanmari West- 3: Hmeichhia kum 27, 39 & 57, nufa. Kai ṭanna hriat, symptom nei vek.

Ramhlun Sports Complex - 1: Mipa kum 47, kaina hriat, symptom nei lo.

Ramhlun Vengthar - 1: Hmeichhia kum 87, symptom nei, a fapa +ve hmuh tawh a ni.

Ṭhuampui - 1: Mipa kum 16, symptom nei lo, a chenpui zingah +ve hmuh tawh.

Zokhawthar - 8: Mipa kum 9, 34 & 73 leh hmeichhia kum 24, 26, 34, 39 & 54. Hri kai ṭanna hriat theih, symptom nei vek.

Lawngtlai Chandmary - 6: Mipa kum 23 ve ve, hmeichhia kum 22, 29, 31 & 32. Kai ṭanna hriat vek, mi 1-in symptom a nei.

Lawngtlai Council Veng - 5: Hmeichhia kum 9, 21, 26, 40 & 47. Hri kai ṭanna hriat, symptom nei lo vek. 

Thingkah - 11: Mipa kum 9, 19, 39, 42 & 73 leh hmeichhia kum 3, 39, 42, 47, 68 & 80. Hri kai ṭanna hriat theih vek, mi 1-in symptom a nei.