New Market leh a chhehvalah Rs. 6,97,842 bo chhinchhiah

Commerce and Indus­tries department hnuaia Commerce Wing chhin­chhiah danin, January 2016 ṭanga December 24 inkar khan Aizawl New Market leh a chhehvelah pawisa bo report Rs. 6,97,842 a awm.

Thu dawn danin, New Market leh a chhehvela pawisa tihbo zinga Rs. 75,362 chu hmuh kîr tawh a ni a, la hmuh let loh Rs. 6,22,480 a awm. Pawisa bakah thil dang bo report eng emaw zat a awm a; chu'ng zingah chuan mobile phone pasarih, ATM card 31, driving license 11, sana pali, voter ID 18, rangkachak ṭhi pakhat leh pendrive pali a tel a, eng emaw zat chu hmuh lêt a ni.