END-in zu leh heroin man

Champhaia Excise & Narcotics department enforcement chuan April 18, 2022 tlai dar 3 khan Champhai Chhungte huam chhunga ramhnuaiah zu siamna hmun luhchhuakin, zu chhuangtu Nang-zathanga (53) s/o Vung-khandala (L), Champhai Kanan Veng an man a, zu a siam lai rakzu litre 12, zu bilh lai ṭín 60, zu siamna hmanrua bél pali, bél mawngpawp pahnih leh plastic báwm paruk an man bawk.

Excise & Narcotics department mite chuan April 18 vek zan dar 9:30 khan Zokhawthar kawnga Vawmkawlui bulah heroin gram 54.06 (hawng 4) an man a, a kawltua puh Lalrindiki (20) w/o Laltanpuia, Zokhawthar an man nghal.

Zu vanga an man hi MLP Act hnuaiah thubuai an siamsak a, heroin kaihhnawiha an man lakah NDPS Act hmangin thubuai an ziak lut bawk.