MADC inthlan turah symbol tlangzarh

May 5, 2022-a Mara Autonomous District Council (MADC)-a member of district council (MDC) inthlanpui neih tura candidate-te chhinchhiahna (symbol) tur chu April 19, Thawhlehni khan DC pisa conference room-ah tlangzarh a ni.

Symbol tlangzarhna inkhawm hi returning officer Lalsangliana, district bawrhsap­in a kaihruai a, political party tin aiawh an tel. Political party-te chuan an symbol pangngai an hmang dawn a, independent candidate-te erawh chuan free symbol an hmang dawn thung.

Political party-te symbol chu BJP - lotus, Indian National Congress - hand (kutphah), Mizo National Front - star(arsi) leh Zoram Peoples Movement - hat (lukhum) a ni.

Independent candidate-te chuan flower (pangpar), eagle about to fly (mupui thlâwk chhuak tur), lantern (lalṭín), spectacle (tarmit) leh hat (lukhum)-te a ni a, ZPM din lohna bialah independent candidate pakhatin symbol atan lukhum a hmang ve dawn a ni.