Mizoram Synod-in chhiatna tuarte chhawmdawlna a pe

Mizoram Synod-in April 18, 2022 khan tun hnaia Pangbalkawn leh Bairabi vela thlipui leh rialin chenna in a tihchhiat tuartute hnenah chhawmdawlna an hlân.

Chhawmdawlna hlàn tur hian Synod executive secretary Rev. Dr K Lallawmzuala hoin puipa ṭhenkhatte an kal a; Pangbalkawn pastor bialah chhungkaw 140 leh Bairabi pastor pialah chhungkaw 41, a vaiin chhungkaw 181 chhawmdawlna atan Rs 14,68,000 an pe a, bial vawngtu pastor-te leh bial hruaitute kutah an hlân a ni.

Thlipui leh rial avangin chenna in chhia 181 a awm a; Pangbalkawn leh Pangbalkawn Hmarvenga chhungkaw 75 tan Rs 5,48,000, Meidum, Meidum Vengthar, South Chhimluang leh Bethlehem Branch Church huam chhunga chhungkaw 65 tan

Rs 4,48,000 chhawmdawlna pek a ni. Bairabi Hmarvenga chhungkaw 16 tan Rs 1,38,000 leh Bairabi Chhimvenga chhungkaw 25 tan Rs 3,34,000 pek a ni bawk.

Mizoram Synod chuan March 2022 chhung khan Synod Relief Fund aṭangin harsatna hrang hrang neite hnenah chhawmdawlna Rs 5,45,000 a pe chhuak bawk a ni.