Prime Minister hoin Chief Minister-te'n Covid-19 vacciane sem dan tur sawiho

Prime minister Narendra Modi hoin nimin khan state hrang hrang chief minister-te'n video conferencing hmangin Covid-19 chungchang an sawiho a, CM Zoramthanga pawh a tel. State hrang hrang hmalakna leh Covid-19 vaccine hman a nih theih veleha mipuia pek dan tura sorkar laipui ruahmanna sawiho a ni.

Prime Minister chuan, state tinte chu Covid-19 a darh zau zel loh nan fimkhur taka hma la zel tur leh thâ thlah lo turin a chah a, "Vaccine awm tura beisei hi fimkhurna lama inthlahdul phah nan hman chi a ni lo," a ti.

NITI Aayog member VK Paul chuan, Covid-19 vaccine pek chhuah dan tura sorkar laipui ruahmanna tlangpui a sawi.

VK Paul-a sawi danin, Covid-19 vaccine pek chhuah theih a nih veleh a thawh khatna atan ram pumah provisional priority group mi nuai 3,000 vel awm tura ruahman a ni a; chungte chu - healthcare worker, frontline worker, kum 50 chung lamte leh kum 50 la tling lo, natna dang neite an ni.

State leh union terroritory hrang hrang nen inbiain, data collection ngawrh taka kalpui mek a ni a, cold chain storage mamawh dante thlithlai a ni. Kumin December thla tìr aṭangin state leh UT-te tan cold chain storage tihchangtlunna tura mamawhte pek (supply) tum a ni bawk.

Meeting-ah hian CM Zoramthanga hi Health minister Dr R Lalthangliana, Chief Secretary leh Health Secretary ten an ṭawiawm a ni.