National Deworming Day hman a ni
Nimin khan Mizorama district hrang hrangah rûlhût dona ni, National Deworming Day hman a ni a, naupangte leh tleirawlte hnenah rûlhût hlo pek a ni. Rûlhût hlo pek beihpui thlak hi April 27, 2022 thleng kalpui a ni dawn a, khua/ veng tina ASHA-te leh anganwadi worker-te'n an huam chhung ṭheuhah an sem ang.
National Deworming Day hi Aizawlah chuan Mizo High Schoolah hman a ni a, School Education minister Lalchhandama Ralte-in a hawng. Minister hian a bul ṭan nan sikul naupangte hnenah rûlhût hlo a pe a ni.
Lalchhandama Ralte chuan, naupang leh tleirawlte hriselna atana pawimawh tak chu rûlhût laka fi hlim a ni tih sawiin, "Mizoram sorkarin deworming a ngaih pawimawh em avangin sorkar sikul bakah, private leh kohhran sikul enkawlahte he hmalakna hi senso pawh tam deuh mahse kalpui a ni dawn a, sikul chawlhsan tawh naupang thlengin a huam dawn a ni," a ti.
Education Minister chuan, rûlhût avanga hrisel lohna nei naupangte'n zirnaah leh an taksa ṭhan zelnaah harsatna an nei ṭhin tih a sawi a; rûlhût vanga harsatna naupangte'n an neih lohna turin sorkar laipuiin National Deworming Day a buatsaih a, Mizoram sorkar pawhin a ngai pawimawh hle niin a sawi.
National Deworming Day hawnnaah hian state programme offi cer Dr Lily Chhakchhuak-in inzirtirna kalpui dan leh sorkar hmalak dan te, hlawhtlinna hmuh tawhte leh ṭan lak ngaihna laite a tarlang a; rûlhût chi hrang hrangte chu khawsak dan hrisel lo - zun leh êkna hmun thlahdah, kut silfai loh, pheikhawk bun thlahdah, ei tur silfai ṭhat loh, tui thianghlim lo in leh khawsak dan ṭawp dangte avanga kai ṭhin a ni tih a sawi.
Dr Lily Chhakchhuak tarlan danin, World Health Organisation (WHO) chhût dan chuan, India ramah naupang kum 1 leh tleirawl kum 14 inkara mi nuai 2,410-te chu rûlhût kai awlsamna hmuna khawsa an ni a; Mizoram chu India rama state leh union territory zingah rûlhût kai awlsamna ber state 11 zinga pariatna a ni mek.
Mizorama district hrang hrangah naupang kum 1-19 inkarte'n rûlhût an pai lohna tura rûlhût hlo pek beihpui thlakna leh rûlhûtin a nghawng
ṭha lote inzirtirna hun, National Deworming Day hman a ni a; naupang leh tleirawlte hnenah rûlhût hlo pek a ni.
National Deworming Day hi Lungleiah chuan Lunglei Electric Veng P/S -II district bawrhsap KulothunganA-in a hawng. Lunglei DC chuan, NDD-in a tum ber chu kum 1-19 inkarte rûlhût laka vên a nih thu a sawi a, "Ram hmasawn zelah hriselna lama hmalaknate ngaih pawimawh a ni a, rûlhût pâi lo turin tih theih awlsam tak, kut silfai ṭhat, thlai leh thei ei tur silfai ṭhat, tui thianghlim chauh in, êk-in ṭha leh thianghlim taka inthiar, ei tur khuh ṭhat leh in leh a vel vawn faite ṭha taka zawm a ṭul," a ti.
Lunglei chief medical officer Dr L C L i a n a sawi danin, rûlhût hlo chu naupa ng , nat na benvawn neite hnenah pek rih loh tur a ni a; kum 1-2 inkarte chu a phela pek tur niin, kum 3-19 inkarte hnenah a puma pek tur a ni. Serchhipah chuan NDD hi Serchhip Higher Secondary School-ah
hawn niin, baw rhsap Nazuk kUmar-i'n a hawng.
Bawrhsap chuan< NDD hman chhungin kum 1-19 inkarte chu rûlhût hlo eitir vek tur a nih thu sawiin, "Rûlhût hian kan ṭhan chhohnaah taksa
leh rilru thlengin a ṭha lo zawnga nghawng a neih avangin kan district-ah kim taka damdawi ei vek turin ka ngen a ni," a ti.
Nazuk Kumar chuan, Covid-19 hripui vanga hun eng emaw chen sikul khâr a nih hnua sikul hawn a ni leh ta chu law maw m a t i h thu a sawi a, Serchhip district-a cheng zawng z aw n g t e c hu h r ipu i laka him zel theih nan invenna ngai pawimawh turin a ngen. NDD hi India ram pum
huapin kum tin February 10-ah hman a ni ṭhin a, naute kum 1 leh tlairawl kum 19 inkarte hnenah rûlhût hlo (Albendazole) dose khatna pek niin, thla ruk hnuah dose hnihna pek leh a ngai a; hripui léng avangin nikum khan Mizoramah chuan NDD hi October thlaah neih a ni a, chuvang chuan kuminah April thlaah neih a ni.
National Deworming Day atan hian Health & Family Walfare department chu nodal department a ni a , School Education, Women & Child Departmen, UDPA, Rural Development leh PHE department-te chu stakeholder department an ni.