Bangladesh minister Munshi a lo zin

Bangladesh Commerce minister Tipu Munshi chuan nimin khan Aizawl a rawn thleng a, Commerce & Industries minister Dr R Lalthangliana leh sorkar official-te'n Lengpui Airportah an lo hmuak a, Mizoramah zan thum a riak dawn.

Tipu Munshi pual hian chief minister Zoramthanga chuan nizan khan Aijal Club-ah zanriah a buatsaih a; ruahman ang chuan vawi in hian minister Dr R Lalthang liana nen Mizoram leh Bangladesh insumdawn tawn na tur hmun - Silsury-a border haat siamna tur leh Kawr puichhuaha Integrated Check Post hmunte an tlawh ang.

Bangladesh Minister hian April 24, Thawhṭanni-ah CM Zoramthanga a kâwm dawn a, CI Minister Dr R Lalthangliana nen press conference an neih leh hnuah Mizoram a chhuahsan ang.

Tipu Munshi hi Bangladesh sorkar official pariatin an rawn zui a ni