Chhimtuipuiah hydel project siam turin hmalak mek a ni - P& E Minister

Power&Electricity minister R Lalzirliana chuan, Chhimtuipui (Kolodyne)-ah hydel project siam turin hma an lak mek thu leh megawatt 400 pe chhuak thei tur a nih thu a sawi.

Nimina Mizo Hnam Rûna inkhawmah R Lalzirliana chuan, Chhimtuipui (Kolodyne)-ah hydel project siam turin ngaihtuahna séngin hma an lak mek thu sawiin, "State ṭhenawma power kan châwk luh hi eng emaw intihbuai thilah kan inthlun zawmna hruite hi min tihchhiatsak theih avangin ei leh bàra intodelh kan tihmâkmawh angin power-ah pawh kan intodelh a ngai," a ti.

PE Minister chuan, "Aizawl khawpuia electric hrui zam hnawk zual leh mipui tana ninawm zualte senghawina, power station chhezual siamṭhatna leh electric ban chhe lutuk tawhte thlâkna turin cheng vbc 700 aṭanga 800 chu DPR siamin a thuphungin min pawmpui tawh a, local councilte leh offi cial-te nen ṭang tlangin kan enho mek zel," a ti a; tu pawh sorkar se, power tariff chu kum tin JERC-in a ennawn ṭhin thu a sawi.

R Lalzirliana chuan, Covid-19 avangin sorkar laipui aṭanga an dawn tur tam tak an dawng lo nia sawiin, "Tun hi chhel a ngaih hun lai tak, Mizo kan ni tih kan lan chhuahna hun a ni. Mizo taka kei kei ti loa nang nang tih hun lai a ni a, Pathian leh kan ram tan titu party kan hriat mâkmawh a ni," a ti.

Inthlan dawn hnai kum hnih khat chu zawlnei derte in lan hun ania sawiin R Lalzirliana chuan, "Eptute lam hi an fi ngin thu leh hla an thiam si a, zawlnei derte hian ruling party an bei duh bik a, i fin khalhin i fi mkhur tlang ang u," a ti a; Mizoram First-in Lengpui Airport chei ṭhat chungchanga FIR an thehluh chu a chîrî leh ṭan tawh niin a sawi bawk