Superspecialty Cancer & Research Centre Sa ṭan thuai turin Chief Minister-in a chah

April 21, Ningani khan Chief minister Zoramthanga hoin CMO cabinet meeting room-ah sorkar hotute'n Zemabawka Superspecialty Cancer and Research Centre din chungchang an sawiho. Chief Minister chuan, a ṭul angte bawhzuia damdawi-in sak hna ṭan thuai turin kal khawmte a chah.

CM Zoramthanga chuan, Mizoram chu India rama cancer vei tamna ber a ni chu pawi a tih thu sawiin, " lak danglam thuai a ngai. Cancer laka fihlim theih nan inzirtirna leh thil dang danga hmalak rualin, damlo enkawlna ṭha, mahni kawtkaia pan mai tur kan din thuai a pawimawh tak zet," a ti.

Health minister Dr R Lalthangliana chuan, "Mizoram mipui mamawh em em, hun eng emaw chen ruahmanna awm tawh chu tun ṭuma Chief Minister ṭhahnemngaihna leh hmalakna zarah hlawhtlinpui a ni dawn ta a, a lawmawm tak zet," a ti a; damdawi-in sak ṭan thuai a nih theih nan bawhzui a nih tur thu a sawi.