Covid-19 vanga thite râlna Ni 30 chhunga tifel turin ti

Disaster Management & Rehabilitation (DMR) department chuan nimin khan Covid-19 vanga thi chhung te hnena ràlna (ex-gracia) dil leh pek dan tur chungchangah thuchhuah a siam. Dilna dawn aṭanga ni 30 chhungin district thuneitute chu zangnadawmna diltute hnenah ràlna sum pe hman tura bawhzui turin a hriattir a ni.

Covid-19 ex-gracia hi March 20, 2022 hma lama thite tan an thih aṭanga ni 60 chhunga dil tur a ni a, March 20, 2022 leh a hnu lama thite tan ni 90 chhungin dil tur a ni. Harsatna bik neia hun tiam chhunga dilna thehlut hman lote chuan district-a Grievance Redressal Committee-ah dilna an thlen thei bawk.