Zoramthanga'n dâwt chiang tak a sawi - Lal Thanzara

Mizoram Pradesh Congress Committee (MPCC) vice president Lal Thanzara chuan, chief minister Zoramthanga'n, ''BJP hotute Pathian biak aṭang hian inzawm chi kan ni lo' tia a sawi chu dâwt chiang tak a nih thu a sawi.

Nimina COngress Bhavan-ainkhawmah thu sawiin Lal Thanzara chuan, MNF leh BJP thawhhona chungchangah thu dik tâwk lo sawi ṭhin a nihthu a sawi a, "Mizoram chhim lama thu a sawinaah Pu Zoramthanga hian 'BJP hotute Pathian biak aṭang hian inzawm chi kan ni lo' a ti a, BJP nen an thawh dun nasat dan ngaihtuahin he a thusawi hi dâwt chiang tak a ni," a ti.Lal Thanzara chuan, "MNF party hi North East Democratic Alliance (NEDA)-ah member niin, BJP nen an thawk dun tlat a, kum 2018 inthlanah pawh khan an candidate zawng zawngin BJP aṭangin ṭanpuina pawisa an dawng vek a ni," a ti a, pawisa petu pawh tuna Assam chief minister Himanta Biswa Sharma a nih thu a sawi.

Lengpui Airport chei ṭhat mek chim chungchang sawiin  anzara chuan, "CM berin sum siam nana Lengpui Airport hman a duh avangin a hman ṭangkai theih tur mi thuneituah a dah sauh sauh a, Airport chei ṭhat hna chu an sangawi zawnpui Kamrula Chhangte an thawhtir chat a ni. Mahse, chung lamin ṭha a ti lo a niang, a chim ta rup mai a nih kha. Sorkar pangngai chu nei ila, Lengpui Airport chim kha enquiry committee dina chhui fiah ngei tur chi a ni," a ti.

Congress Vice President chuan, MLA candidate nih kher a tum lo tih sawiin, "MPCC Vice President ni mah ila, kei aia mipuiin an pawm, ram tana sorkar ṭha pe thei tura an rin zawk an awm a nih phawt chuan ka dinhmun hi ka kian phal a, candidate nih ngei ngei ka tum chuang lo," a ti a; sorkar ṭha siampui turin Mizoram mipui zawng zawng an sáwm tih a sawi.

ZPM chu ngcha ng sawiin Lal Thanzara chuan, "ZPM hian kalphung hlui tia nasa taka an aupui ṭhin tihbo an tum MLA hlawh tihhniam, MLA car leina senso sang lutuk tihbo, unit system nuai bo, inlawm luh búng búng, Chakma tel loa sorkarna siam an tumte chu an bawhchhe leh vek tawh," a ti a; kalphung thar an aupui chu anmahni ZPM vêkin an bawhchhe leh nghal zel niin a sawi.