MJA-te'n pangang khawina hmun tlawh

Mizoram Journalists' Association (MJA), Mamit district member-te chuan nimin khan Central Silk Board leh Ministry of Textile-in Mamit district chawi kânna tura Sericulture department hnuaia a kalpui, Development of Ericulture for t he Uplif t ment of Aspirational District, Mamit hnuaia Darlung leh Kanghmun circle huam chhunga hmalaknate an tlawh.

MJA, Mamit district member-te hi an president C Lalramdinzela hoin an thawk chhuak a, Mamita Sericulture officer ZD Zoramthanga'n a kaihruai. ZD Zoramthanga chuan, Darlung leh Kanghmun circle huam chhunga pangang khawitute chu nasa zawka ṭan la tur leh Mamit district chhunga pangang khawi kawnga hma hruaitu ni zel turin a chah.

Mamit MJA member-te tarlan danin, nimina an t lawh chinah, Darlung khuaah Sericulture society mumal tak awmin, member 43 an awm a, kum 2021-22 chhungin pangang khawi aṭangin Rs 4,60,000 chuang an thawk chhuak.

Bâwngthah khuaah Sericulture cluster group mumal tak aw min, member 54 an awm a, society chuan kum 2021-22 chhung khan pangang an khawina aṭangin Rs 1,70,000 an thawk chhuak bawk.