Lunglei Civil Hospital lab-ah Covid-19 vei hmu chhuak

Lunglei Civil Hospital (LCH) laboratory-ah tun hnai khan Covid-19 vei leh vei loh enna khawl Molbio Truenat dah thar a ni. Truenat khawl hmangin June 20, Inrinni khan Covid-19 vei mi pakhat hmuh chhuah a ni a, a tihchian nan Zoram Medical College (ZMC) laboratory-ah thawn a ni.

Sorkar thuchhuah tarlan danin, Truenat hmang hian June 12, 2020 aṭangin swab sample endik ṭan a ni a, mi 107-te sample endik a ni tawh. Sample endik zinga mi pahnihin Covid-19 an vei tih hmuh chhuah a ni a, mi mi 105-in an vei lo thung.

Truenat khawl hman mekah hian Covid-19 positive result nemnghehna (confir­matory chip) a awm rih loh avangin hripui vei hmuh chhuahte chu tih­chian turin ZMC-ah thawn ṭhin a ni a; hripui vei pahnih hmuh chhuah tawhte pawh ZMC-ah thawn a ni a, result ngaihchân mek a ni.

LCH laboratory hi biosafety level (BSL)-2 a ni a, National Health Mission (NHM) aṭangin Covid-19 endik nan buaipui a ni. Covid-19 postive result nemnghehna confirmatory chip chu Lunglei Civil Hospital-in a neih thuai beisei a nih thu sorkar thuchhuah chuan a tarlang. 

LCH laboratory-a swab sample endik hna hi microbiologist Dr RSC Vanlalruati kaihhruaiin ni tin kalpui a ni tawh a, test result chu ni tin zing dar 8-ah puan chhuah 

ṭhin tum a ni.