KHAWTHLIR

ANC-in thisen pe
Aizawl North College NSS chuan nimin khan an college hall-ah thisen pek an huaihawt a, Civil Hospital, Aizawl tan thisen unit 101 an pe a, petute mipa 86 leh hmeichhia 15 an ni.

Virtual Fest Lenlai
ICFAI University, Mizo ram chuan nimin khan an hmunah zirlai chhuakte thlahna, Farewell Programme leh IUM Virtual Fest Lenlai 2022 khârna hun an hmang a, minister of state Robert Romawia Roytein a hmanpui. Minister chuan, zirlai chhuak turte chu an degree neihte chapopui lo a, mahni inrintâwkna petu atan hmang turin a chah.

PHE pisa hawng
Tuirial bialtu MLA K Laldawngliana chuan nimin khan Kawnpuiah PHE WATSAN SubDivision pisa a hawng. PHE Kawnpui WATSAN Sub-Division hian khaw 22 a huam dawn a ni.

Puanthui khawl sem
Thakthing Veng MNF unit chuan nimin khan mi 46 hnenah puanṭhui kháwl an sem a, MNF Gen.Hqrs vice president Vanlalzawma'n a
hmanpui. Vanlalzawma chuan, zirlai pawl leh pawl lian tak tak aṭangin MNF zawmtu an awm zel tih sawiin, "MNF rawn zawm tharte'n an thupui berah chuan 'MNF chu kan ram leh hnam tana ding ngam an nih vang a ni' an ti zel," a ti.

Biate tui lakna 
Home minister Lalchamliana chuan nimin khan Khawchhak Tuipui hmanga Biate khua châwmtu tur tui lakna Biate Water Supply Scheme (pumping) a hawng. Tui lakna hi North Eastern Region Development Programme (NERDP)/ 10% Lump Sum Grant cheng nuai 1,364.67
hmanga siam a ni a, mi pakhatin ni khatah tui litre 135 thleng hmang anga chhûtin mi 2,619-te chu kum 2045 thleng châwm zo tura duan a ni.

Thil hlui zirho
T Romana College-a History dept. chuan an thawhpui thi ta hriatreng nan nimin khan an collegeah '1st Caroline Laldinsangi Memorial Lecture on Archaeology of Mizoram' tih chu an buatsaih a, Art & Culture director R Hming thanzuala'n a hman pui. Zirhona hi
Prof. Malsawmliana'n a kaihruai a, Archaeological Survey of India, Aizawl Circle-a assistant superintending archaeologist Dr Salaam ShyaSingh-a'n thupui a sawi.