Minister-in puan-ṭhuikháwl a sem

Minister of state Robert Romawia Royte chuan nimin khan KVM High School-ah a bial, Aizawl East-II constituency chhunga veng pasariha chhungkaw 220 hnenah a MLA fund aṭanga a lei puanṭhui kháwl a sem.

Robert Romawia Royte chuan, puanṭhui khawlte chu kawl satliah leh tirîral mai loa ṭangkai taka hmang turin a dawngtute a chah a, "Hripui lèn hmaa kan thawh peih loh te, thawh thiam loh te, thawh duh lohte pawh thawh hreh nei loa kan thawh a ngai ta," a ti.

Puanṭhui khawl hi Dawrpui, Saron Veng, Chhinga Veng, Tui­thiang Veng, Armed Veng, Armed Veng South leh Chite Venga chhungkaw 220 hnenah pek a ni. Robert Romawia hian kuminah a MLA fund aṭangin puanṭhui kháwl 420 a sem tawh a ni.