SEDP Health Clinic din tur sawiho

Chief minister Zoramthanga leh SEDP hnuaia Health & Family Welfare Board hotute chu April 23, Zirtawpni khan Chief Minister's Office-ah an inkâwm a; Board hotute chuan health care tihchangtlunna tura SEDP Health Clinic dinna tur leh thawktu indaih lohna phuhru tura ruahmanna an siamte an sawipui.

Inkawmnaah hian Mizoramah health sub-centre awm lohna khaw 200 chuangah SEDP Health Clinic din tura ruahmanna leh, a kawihhnawih hrang hrang - thawktu, infrastructure leh khawl thil mamawh leh PHC leh sub-centre-a nurse leh health worker indaih lohna phurukna tura SEDP Board-in ruahmanna a siamte an thlirho a ni.

Ruahmannate chu tihhlawhtlin a nih theih nan CM Zoramthanga chuan hmalakpui a tiam niin sorkar thuchhuah chuan a tarlang.