HSLC leh HSSLC-ah Syllabus pumpui zir tur

Mizoram Board of School Education (MBSE) chuan thuchhuah siam­in, MBSE-a inziak lut high school leh higher secondary school zawng zawng chu 2022-23 aca­demic session chhung­in syllabus pumpui inzirtir turin a hriattir.

MBSE-in hriattirna a tihchhuaha a lan danin, kum 2023-a High School Leaving Certificate leh Higher Secondary School Leaving Certificate Examinations atan MBSE chuan zawhnate chu syllabus pumpui aṭang leh Scheme of Examination & Question Designs anga siam a ni dawn a; Syllabus and Scheme of Examination & Question Designs chu MBSE website www.mbse.edu.in ah en theih a ni.