Siahaah dan loa thil zawrh endik a ni

Siahaa police-te leh Legal Metrology enforcement-te chuan April 22, 2022 khan Siaha khawpui chhunga iron rod zawrhte leh dan loa tuialhthei zawrhte an endik a, dan loa petrol zuar mi paruk an man.

Dan loa petrol zuartu mante chu The Motor Spirit and High Speed Diesel (Regulation of Supply, Distribution and Prevention of Malpractices) Order 2005 tlawhchhana man an ni a; dan angin an chungchang ngaihtuah a ni ang.

Siahaa iron rod zuartute pawh enfiah a ni a, dawr tinah electronic weighing scale kawla an hmang vek chu lawmawm an tih thu an sawi. Iron rod zawrhte chu a len zawng digital slide callipers hmanga endik a ni a, a len zawngah a tling ṭha hlawm viau tih an hmu a ni.