CM-in Clean Aizawl City a hmanpui

Clean Aizawl City chuan April 23, Inrinni khan Synod Conference Centre-ah an pawl rorelna sang High Council an buatsaih a, chief minister Zoramthanga’n a hmanpui.

CM Zoramthanga chuan, Clean Aizawl City thil tum chu khawpui tana ṭangkai tak tur nia a hriat thu sawiin, “India sorkarin fai leh thianghlim kawngah hma a la nasa a, Mizoram pawh hmun kilkhâwr ber thlengin faina kawngah hma kan sawn tawh viau. Hmasawn belh zelna tur kan la nei a, chumi atana pawimawh tak pakhat chu kan fa te, kan naupangte hnenah zirtirna kan pek a, an entawn tura kan nun a, zirna inah inzirtir tel a ni bawk,” a ti.

Clean Aizawl City High Council hi K Liantlinga’n a kaihruai a, Finance secretary C Dinthanga kaihhruaiin pawl member-te’n Aizawl khawpui fai leh thianghlim taka vawng turin thutiam an sawi rual a ni.