Sainik School tur sak mek Serchhip DC-in a enfiah

Serchhip DC Dr Lalro­zama chuan Nilaini khan Chhingchhipa Sainik School tur sak mek a tlawh a, hna thawh dan a enfiah. Sainik School-ah hian kumin aṭangin acade­mic session ṭan tum a ni.

Sorkar thuchhuah tarlan danin, kumin aṭang hian Sainik School-ah pawl VI zirlai naupang an la dawn a; class room, principal office leh chenna-in, registrar office, hostel leh mess turte Serchhip DC hian a enfiah. Building-te chu sak zawh thawkhat a ni tawh a, luah theih tura chûl mâm ngai erawh a la ni hlawm.

Bul ṭanna atana ṭul hmasa tur, elelctric leh tui supply dan turte Serchhip DC chuan a en nghal. Power house tur sak zawh ṭêp tawh a ni a, tui pekna tur pawh sorkarin sum a pek veleh PHE department-in an khawih nghal dawn a ni.