Sorkar hnathawk hlawh leh bill pe thei

State Bank of India (SBI) hotute chuan, Rs. 1,000 leh Rs. 500 note tih­thih a nih avangin sorkar hnathawk hlawh leh bill pek theih loh anmahni lam aṭangin a awm lo tih an sawi.

Vanglaini palai zawhna SBI hotute'n an chhan danin, sorkar hnathawk hlawh leh bill-te hi a neitute account-ah thun zel a nih avangin harsatna an nei lo. Mi ṭhenkhat, ṭul bik thila sum tam tham deuh lak duhte erawh sorkar aṭangin recommend an dawn chuan Reserve Bank of India (RBI) hotute phalnain a sum faia pek an ni.

Tun kar chhung hian pawisa eng emaw zat Mizoramah a rawn thleng leh dawn a, eng note nge rawn thleng dawn tih erawh hriat lâwk a ni lo. RBI thu angin pawisate hi chest branch hrang hrangah a inzat veka sem tur a ni.